كيف تصبحين دلوعة.......ياآآآآآآآآآآاي

[
الدلع ............. وما أدراكي ما الدلع ؟

الدلع مفتاح الأبواب والعقول الموصدة وسلاح تخوض به المرأة أصعب معاركها والتي غالبا ما تنتهي بنصر ساحق

والدلع أو الغنج أو الدلال جزء من تركيبة الأنثى وإذا ما كان من تركيبتها راح تتعب في حياتها .............. صدقوني راح تتعب مرة مرة

يعني من الماضي و مستقبلا وحاضرا هناك حكمة تقول إنك ما راح تاكلين قلب زوجك إلا بالدلع ولا راح تطيرين عقله إلا بالدلع ولا راح تفضين جيوبه إلا بالدلع ولا راح تخلينه خاتم في أصبعك وعبد رهن إشارتك إلا بالدلع

وإذا ما كنتي دلوعة ومدلعة خلقة فلا تشيلين أدني هم تصنعي الدلع يا كتكوتة ومثلي الدلع يا قلبي ترى ما يبغالها شي وأحيان الدلع المصطنع يطغى على دلع الفطرة بجماله ونتايجه وعشان أقرب لكم راح أضرب لكم مثال يجسد الدلع في أعنف صوره

نانسي عجرم مثلا

وبغض النظر إني احترمها أو ما احترمها مدامنا جالسين جالسين قدام الفضائيات خلينا نراقب و نتعلم أشياء تفيدنا في حياتنا مثل النظرات واللفتات و طريقة الكلام والآهات ووويا يا يااااااااات

الي شاف نانسي في أول كليب لها راح يشوف بنت باردة و قروية وخبلة وشكلها أقل من عادي

وبعد ما سمعت نانسي نصايح الخبراء .........إدلعي يا بنت وتلحلحي

صارت نانسي ننوسة القطنة الدلوعة إلي تآكل القلب أكل همممممممممممممممممممم وسبحان مغير الأحوال

^
^
^
هههههههههااااااااااااااي

يعني

النظرة تغيرت صار فيها شقاوة وحنية واللفتة تغيرت ونبرة الصوت تغيرت وشكلها ومكياجها وملابسها وحركاتها وسكناتها تغيرررررررت حتى صار الدلع نانسي

ولا تهون شادية وصباح في أفلام زمان كانوا معلمات دلع محترفات

ولا يخفى عليكم خافي الي خلاني أكتب هالموضوع حال بعض رجالنا وإخواننا ويمكن آبائنا بعد وسنترتهم قدام الدشوش يدورون الدلع الي أكل قلوبهم أكل وخلاهم يقطعون المسافات الطويلة بحثا عنه وخلاهم يزهدون بزوجاتهم ويحقرونهم ويهجروهم إلى أخرى تحت تأثير دلع محلي أو خارجي ......... والله بعذرهم أطعموا البائس المحروم

وحال بعض البنات والحريم ما يسر ابد تلقى الوحده منهم تنافس الرجال بجلافتها وتضارب اخوانها وتصوت على رجلها وصوتها يلعلع ويسمعه سابع جار حتى بالسوق وحركاتها وطريقة كلامها ومشيتها واستقبالها للناس ووو يعني بالعربي جلااااااااااافة

الدنيا كبرت وابتلينا بهالقنوات إلي فتحت عيون الشباب والشياب يعني قريت مؤخرا في دراسة أجريت على الشباب الخليجي أثبتت أن أختياره لشريكة حياته صار أصعب من حيث المواصفات والمقاييس وصار حتى القرد يبي يمامة ودلوعة بعد يممممممممممه والضب يبي وحده تشبه أليسا وهيفاء وهبي وإيمان بنوره عجبي يعني بأختصار صاروا يفهمون باللوك والدلع بعد ما كان الواحد منهم ما يشوف إلا جدايل ومقطع الوالدة الله يحفظها

وفيه أشياء كثيرة في حياتنا ما كنا ملقين لها بال لكن لها تأثير السحر في تغيير مجرى الأمور

وعشان نكون واقعيين الدلع له أساسيات وله كماليات

وأساسه الطبيعة و الأسلوب والمقدرة والموهبة

وكمالياته الشكل وطريقة اللبس والحركة والكلام وكل ما يدرك بالحواس ويؤثر في القلب

نصيحة أخيرة

البنت ما تدلع إلا على المقربين منها مره مثل زوجها أو بابي ومامي أو من يقوم مقامهما أما الدلع في الأسواق والشوارع والمنتديات وغيرها فهذا له إسم ثاني غير الدلع عشان ما تختلط أوراقنا

وإذا ما عرفتي تمثلين وتجيدين الدلع فتكفين لا تدلعين لإن دمك بيصير ثقيل وأستشيري الخبيرات مع أني واثقة بقدرة معظمكم

والحين بآخذ بريك بعدين ارجع لكم ............. يا كتاكيت