مشكلتي . . . ((لكل البنات ومن غير كسوف))

بسم الله الرحمان الرحيم

ويا رب الفكره تعجبكم ويكون عليها اقبال
قسم كلمات في الحب في موضوع
بيحل مشاكل الحب
والقسم العام في موضوع بيحل مشاكل عامه
واحنا هنا في بنات وبس
هنحل مشاكل البنات وبس

طبعا مفيش بنت في الكون ده معندهاش مشاكل مع مامتها
او مشاكل في حياتها مع اصحابها في المدرسه
مع اقاربها مع اخواتها

والي معندهاش اكيد دي يا هي من المريخ يا اهلها من زحل
بس اكيد مش من الاارض

كلو هنا هيدخل يتكلم بصوره عامه
الي بيدايق من حاجه في اهلو يقولها عادي
طبعا مش هنغلط ولا نقول حاجه كده ولا كده
دول هم الخير كلو بس نفضفض برقه وأنوثه

وانا اقولوكوا ايه اكتر حاجه بتجنني

اكون قعده مع ماما حبيبتي في البيت
اشغل اغنيه وماما تشتغل معاها
اقفلي القرف ده دي مامير الشيطان
((هي معاها حق مقدرش اتكلم))
لو حد بقى من اقاربي جه وقلي
افتي الاغنيه دي
وفتحتها الاقي ماما عجبتها اوي الاغنيه
وكأن الشطان مبيجيش غير في الاغاني بتعتي
بس الحمد لله قدرت اتقبل الموضوع

ده غير ان امهات الايام دي مينفعش الواحد يتناقش معاهم خالص
اول ما الوحده تتكلم
تلاقي مامتها اشتغلت
وطي صوتك
متبجحيش
متردي
متقوحيش
مترديش عليه
متدفعيش عن نفسك
اعترفي بغلطك
انا بكلمك مبترديش ليه
والبنت يا حرام بتكون وقفه تفكر في كلام
الام متعتبرهوش حاجه من دول
وطبيعا جدا مش بتلاقي غير انا اسفه
ولما بتقولها على طول الام ترد
انتي كل شويه اسفه الكلمه مبقاش ليها طعم
ولو مقلتيش تلاقي ممتك تقول
انتي غلطانه فيه وكمان عيزاني اصلحك

اتكلمت كتير
هستنا الكل يجي ويتكلم ومش شرط عن الام
زي ما قلت ممكن الصحاب الاقارب
ولسه انا هحكي معاكم كتير

تسلم ايدك موضوع جميل لما تجيلى مشكلة حبقى اعرضها